حذف البيانات

في طريقتين، وبيوصّلوا لنفس النتيجة:

• من داخل التطبيق: الإعدادات ← الملف الشخصي ← منطقة الخطر ← حذف الحساب.
• بمراسلتنا على privacy@fasla.cloud من نفس الإيميل المسجّل على حسابك. الشرط ده مقصود — من غيره أي حد يقدر يطلب حذف حساب حد تاني.

فورًا

الحساب بيتجمّد. مفيش تسجيل دخول، مفيش إرسال، مفيش استقبال. الرسايل اللي بتوصل على أرقامك بتوقف عن الدخول للمنصّة.

خلال ساعات

الطلب بيوصل لأدمن المنصّة للمراجعة والتنفيذ.

خلال 14 يوم

الحذف النهائي: بياناتك وبيانات جهات اتصالك ومحادثاتك وملفاتك بتتمسح من قاعدة البيانات والتخزين.

الـ 14 يوم حد أقصى مش انتظار إجباري. أغلب الطلبات بتتنفّذ أسرع من كده بكتير.

أيوة — طول ما الحذف ما اتنفّذش. راسلنا على نفس الإيميل واطلب إلغاء الطلب، وهنفكّ التجميد.

بعد ما الحذف يتم، مفيش رجوع. مفيش نسخة احتياطية بنقدر نرجّعك منها، وده مقصود: نسخة بترجّع بيانات اتطلب حذفها مش نسخة احتياطية، دي مشكلة.

• بيانات حسابك: الاسم، الإيميل، الصورة، أرقام التليفون، بيانات الشركة.
• جهات اتصالك بكل حقولها ووسومها.
• كل المحادثات والرسايل والوسائط المرفوعة.
• الحملات وتقاريرها، والأتمتة والـ Flows.
• مفاتيح الربط ورموز الوصول لقنوات واتساب.
• مفاتيح الواجهة البرمجية.

حاجتين بس، ولكل واحدة سبب:

• سجل مجرّد إن حساب اتحذف وتاريخه — من غير اسم ولا إيميل ولا أي محتوى. ده لازم عشان نقدر نثبت إننا نفّذنا طلبك.
• سجلات محاسبية لو كان في مدفوعات، بالقدر اللي بيفرضه القانون المصري وللمدة اللي بيحدّدها.

محتوى المحادثات مش بيدخل في أي من الاستثناءين دول. بيتحذف بالكامل.

حذف حسابك عندنا بيمسح البيانات من منصّتنا إحنا. Meta بتحتفظ بنسختها من بيانات رسايل واتساب حسب سياساتها هي، وده خارج عن سيطرتنا.

عشان تطلب حذف بياناتك من Meta، لازم تتعامل مع Meta مباشرة من إعدادات حساب WhatsApp Business بتاعك.

حذف حسابك الشخصي بيشيلك من المساحة وبيمسح بياناتك الشخصية، لكنه مش بيحذف المساحة نفسها ولا محادثاتها — دي ملك الشركة اللي المساحة بتاعتها، ومالك المساحة هو الوحيد اللي يقدر يطلب حذفها.

لو عميل من عملائك طلب حذف بياناته، الطلب ده ليك انت مش لينا — انت المتحكّم في البيانات دي. تقدر تنفّذه بنفسك بحذف جهة الاتصال ومحادثتها من داخل التطبيق.

لو محتاج مساعدة في تنفيذ طلب كبير، كلّمنا.